63

کیری کی مزیدار کھٹی میٹھی چٹنی بنائیں

گرمیوں کے موسم میں آم آنے سے قبل کھٹی کیریاں سب ہی کو پسند ہوتی ہیں۔ کیری کو نمک مرچ کے ساتھ کھانے کے علاوہ  اس کی مزیدار چٹنی اور مربہ بھی بنایا جاتا ہے جو کھانے میں بے حد لذیذ لگتا ہے۔
اسی لیے آج ہم آپ کو کیری کی مزیدار کھٹی میٹھی چٹنی بنانے کی ترکیب بتا رہے ہیں۔

اجزا
کیری: آدھا کلو
کارن سیرپ یا شوگر سیرپ: 1 پیالی
پانی: 2 کپ
ونیلا ایسنس: چند قطرے
زردے کا رنگ: چند قطرے
کلونجی: 1 چائے کا چمچ
رائی دانہ: 1 چائے کا چمچ
لیموں کا چھلکا (کرش): آدھا چائے کا چمچ

ترکیب
کیریوں کو چھیل کر چھوٹے ٹکڑوں میں کاٹ لیں۔
پین میں پانی گرم کر کے کیری کے ٹکڑوں کو ابال کر نرم کرلیں اور ایک طرف رکھ دیں۔
ایک الگ پین میں تیل لیں اور اس میں رائی دانہ اور کلونجی کڑکڑائیں۔
پھر اس میں لیموں کا چھلکا ڈال کے مکس کریں۔ آنچ ہلکی کر دیں اور کارن سیرپ یا شوگر سیرپ، ونیلا ایسنس اور زردے کا رنگ شامل کر کے مکس کریں۔
جب پکنے لگ جائے تو کیری ڈال کے آنچ تیز کر دیں اور اسے گاڑھا ہونے دیں۔
گاڑھا ہونے کے بعد باؤل میں نکال کر پیش کریں۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
The post کیری کی مزیدار کھٹی میٹھی چٹنی بنائیں appeared first on ARYNews.tv | Urdu – Har Lamha Bakhabar.