39

کون فیس بک پر کتنا وقت گزارتا ہے؟ اب نئے فیچر سے نگرانی ہوگی

سان فرانسسكو: کون سا صارف فیس بک پر کتنا وقت گزارتا ہے اس کی نگرانی کے لیے فیس بک انتظامیہ نے ایک نئے فیچر پر کام کرنا شروع کردیا۔ 
فیس بک عوام میں سماجی رابطے کی مقبول ترین ویب سائٹ ہے اور اسے استعمال کرنے والے جہاں بھر سے آنے والی دوستوں کی پوسٹس، تصاویر اور ویڈیوز میں اتنے محو ہوجاتے ہیں کہ وقت کا اندازہ ہی نہیں ہو پاتا۔ کئی صارفین تو دن میں 24 گھنٹے وقفے وقفے سے لاگ ان ہوتے رہتے ہیں اور کمنٹس کے جواب دیتے رہتے ہیں جب کہ کچھ تو ہر وقت فیس بک پر پائے جاتے ہیں۔
سوشل میڈیا کا یوں بے دریغ استعمال بہت سی سماجی، جسمانی اور ذہنی پریشانیوں کا باعث بن رہا ہے اس لیے ماہرین طب نیٹ کے استعمال کو محدود کرنے کا مشورہ دیتے ہیں تاکہ اہل خانہ کو وقت دیا جاسکے اور ایک دوسرے کے ساتھ فطری تعلق میں مضبوطی لائی جائے۔ شاید یہی وجہ ہے کہ فیس بک نے بھی اپنے صارفین کے اوقات کار کی نگرانی کے لیے نئے فیچر پر کام شروع کردیا ہے جو جلد دستیاب ہوگا تاہم ابھی اس کی تفصیلات جاری نہیں کی گئیں۔

Facebook is working on “Your Time on Facebook” which could help users to manage their time spent on Facebook app.
Instagram is also working on helping users to improve their digital wellbeing: https://t.co/y38mV3RtqB
as previously spotted: https://t.co/D26M9RuSxG pic.twitter.com/YqSyH0fpII
— Jane Manchun Wong (@wongmjane) June 22, 2018

ٹیکنالوجی سے متعلق ایک معروف ویب سائٹ نے انکشاف کیا ہے کہ فیس بک صارفین کے گزارے ہوئے اوقات کار پر نظر رکھنے کے لیے جو فیچر متعارف کرانے والی ہے اُس کے ذریعے صارفین کی آن لائن ہسٹری سے متعلق اعدادوشمار کو جمع کیا جائے گا جس سے پتا چلایا جا سکے گا صارف نے کتنی دیر تک فیس بک کی ایپ استعمال کی ہے تاہم ابھی یہ فیچر تیاری کے ابتدائی مراحل میں ہے۔
The post کون فیس بک پر کتنا وقت گزارتا ہے؟ اب نئے فیچر سے نگرانی ہوگی appeared first on ایکسپریس اردو.