23

کسی سے پوچھے بغیر کراچی آپریشن شروع کیا، چوہدری نثار

راولپنڈی: سابق وزیر داخلہ چوہدری نثار علی خان نے کہا ہے کہ انھوں نے کسی سے پوچھے بغیر کراچی آپریشن کا اعلان کیا تھا۔

وہ اپنے انتخابی حلقے چکری میں ایک جلسے سے خطاب کر رہے تھے، انھوں نے کہا کہ کراچی کے امن میں میرا حصہ اور وزارتِ داخلہ کا کلیدی کردارتھا۔

چوہدری نثار نے کہا کہ میں ملک کا وزیرداخلہ تھا، کراچی آپریشن میں نے شروع کیا۔ میں نے امریکا اور اقوام متحدہ میں جاکر کہا کہ اسلام پُرامن دین ہے۔

انھوں نے کہا معاشرے میں حلال اور حرام کا فرق ختم ہوچکا ہے لیکن میں نے کوئی مل، فیکٹری یا پیٹرول پمپ نہیں لگایا، حلقے کے عوام کے لیے پیسا خرچ کیا۔

سابق وزیر داخلہ نے کہا سیاسی زندگی میں چکری جتنا بڑا جلسہ نہیں دیکھا، اس حلقے کے ترقیاتی کاموں کا مقابلہ نوازشریف، شہبازشریف اور بلاول کے حلقے سے کرکے دیکھو، یہاں ترقیاتی کاموں میں کمی آئی ہو تو مجھے ووٹ نہ دینا۔

انھوں نے کہا ایک اعلان پر یہاں مخلوق اکٹھی ہوگئی، الیکشن سے پہلے فیصلہ ہو گیا، دھمیال والوں نے بھی کہا ووٹ چوہدری نثار کا ہے، مایوس نہ ہوں 25 جولائی کو پورے پاکستان کی نظر اس حلقے کے نتیجے پر ہوگی۔

چوہدری نثار نے کہا کہ بارات جب اپنے گھر سے نکلے گی تو اس بینڈ باجے کا مزہ آئے گا، ٹکٹ اور بغیر ٹکٹ والے کو یہاں کےعوام مسترد کر دیں گے۔

ن لیگ نے چوہدری نثار کے مقابلے کا فیصلہ کرلیا، ٹکٹ جاری


ان کا کہنا تھا کہ انھوں نے ساری زندگی کبھی کسی سے ڈیل نہیں کی، کہا ’مجھے کشمیر یوں کے قاتل راج ناتھ کوجواب دینے سے روکا گیا لیکن اسے ایسا جواب دیا کہ وہ بھاگ گیا۔‘

چوہدری نثار نے کہا پی پی 10 کے عوام مخالفین کو شکست دیں گے، خیال رہے اس حلقے سے مسلم لیگ ن نے ان کے خلاف راجہ قمر الاسلام کو کھڑا کیا ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

اس خبرکوبھی پڑھیں:  خواتین کے ووٹوں کی کم شرح، وو حلقوں میں دوبارہ انتخابات

The post کسی سے پوچھے بغیر کراچی آپریشن شروع کیا، چوہدری نثار appeared first on ARYNews.tv | Urdu – Har Lamha Bakhabar.