54

کتے مردوں سے زیادہ خواتین کے وفادار

کتا ایک نہایت وفادار جانور ہے اور اگر آپ اس کا خیال رکھتے ہوں اور اس کے مالک ہوں تو یہ آپ کے لیے نہایت بے ضرر ہوگا۔ تاہم حال ہی میں ایک رپورٹ میں انکشاف ہوا کہ کتے صنف کی بنیاد پر بھی محبت اور وفاداری نبھاتے ہیں۔
جرنل رائل سوسائٹی آف اوپن سائنس میں شائع ہونے والی ایک تحقیق کے مطابق کتوں کے بھونکنے اور مختلف آوازیں نکالنے کو مردوں سے زیادہ خواتین سمجھتی ہیں۔
ماہرین کے مطابق اس کی وجہ یہ ہے کہ خواتین اپنی فطری رحم دلی اور ہمدرد طبیعت کی وجہ کتوں کے ساتھ مردوں کی نسبت زیادہ محبت اور شفقت کا مظاہرہ کرتی ہیں یہی وجہ ہے کہ کتے ان کی صحبت میں زیادہ پرسکون ہوتے ہیں۔
ماہرین کا کہنا ہے کہ کتوں کے دماغ کا ایک حصہ انسانوں کے دماغ کی طرح ہے جو جذبات کو پہچاننے کی صلاحیت رکھتا ہے، یہی وجہ ہے وہ خواتین کے نرم جذبات کو پہچان کر مردوں کی نسبت خواتین سے زیادہ قریب اور ان کے زیادہ وفادار ہوتے ہیں۔

ہنگری کے دارالحکومت بڈاپسٹ کی ایٹووس یونیورسٹی میں کی جانے والی ایک تحقیق میں بتایا گیا تھا کہ کتے الفاظ اور موسیقی کو سمجھنے کے لیے دماغ کے انہی حصوں کو استعمال کرتے ہیں جو انسان استعمال کرتے ہیں۔
تحقیق کے مطابق انسانی دماغ نہ صرف بولے جانے والے الفاظ کا تجزیہ کرتا ہے بلکہ بسا اوقات وہ ان کے پس پردہ معنی کو بھی سمجھتا ہے یعنی دماغ بیک وقت دو کام سر انجام دیتا ہے۔
بالکل یہی کام اسی طریقہ کار کے ذریعہ کتوں کا دماغ بھی انجام دیتا ہے۔
ماہرین کے مطابق کتوں کا دماغ ہمدردانہ اور مانوس الفاظ پر بھی ویسا ہی ردعمل ظاہر کرتا ہے جیسے انسان کرتے ہیں۔ گھر، کھانا اور محبت و شفقت کے الفاظ کتوں کے دماغ میں مثبت لہریں پیدا کرتے ہیں جو ان کے جسم کو پرسکون رکھتی ہیں۔

اس خبرکوبھی پڑھیں:  امریکہ میں بھی خواتین کو امتیازی سلوک کا سامنا ہے، نائلہ خان

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
20Comments comments

Related Items:ARY, ARY News, ARY news Urdu, DOG, Urdu news, اے آر وائی, اے آر وائی نیوز, پاکستان, کتا, کتوں, کتے

یہ بھی پڑھیں

اے آر وائی نیوز انگلش