28

پیٹرولیم مصنوعات کی قیمتوں میں اضافہ نہیں ہوگا، وفاقی وزیر خزانہ کا اعلان

اسلام آباد: وفاقی وزیر خزانہ نے اعلان کیا ہے کہ حکومت نے  پیٹرولیم مصنوعات کی قیمتوں میں ایک ہفتے تک کوئی ردوبدل نہ کرنے کا فیصلہ کیا ہے۔
تفصیلات کے مطابق وفاقی وزیر خزانہ کی جانب سے جاری اعلامیے کے مطابق پیڑولیم مصنوعات کی قیمتیں ایک ہفتے کیلئے برقرار رکھنےکافیصلہ کیا گیا ہے اور 7 جون تک اب قیمتوں میں کوئی ردوبدل نہیں ہوگا۔ اُن کا کہنا تھا کہ نگراں حکومت پٹرولیم مصنوعات کی قیمتوں میں اضافے یا کمی کا فیصلہ کرے گی۔
واضح رہے کہ دو روز قبل اوگرا نے وفاقی وزیر خزانہ کو پیٹرولیم مصنوعات مین سترہ فیصد اضافے کی سمری ارسال کی تھی جس میں پیٹرول کی قیمت 8 روپے 37 پیسے اضافے کی سفارش کی گئی تھی۔
خدشہ ظاہر کیا جارہا تھا کہ مسلم لیگ ن جاتے جاتے عوام پر پیٹرول بم گرانے کی تیاریوں میں مصروف ہے، پیٹرولیم مصنوعات کی قیمتوں میں بے انتہا اضافہ کردے گی مگر ان افواہوں کی تردید مفتاح اسماعیل نے کچھ دیر قبل خود کردی۔
مزید پڑھیں: اوگرا کی پیٹرول 8 روپے37پیسے فی لیٹر مہنگا کرنے کی تجویز

اوگرا کی جانب سے بھیجی گئی سمری میں ڈیزل 12 روپے 50 پیسے، لائٹ ڈیزل آئل 11 روپے 65 پیسے فی لیٹر اضافے کی سفارش کی گئی تھی جبکہ مٹی کا تیل آٹھ روپے تیئس پیسے تک مہنگا کرنے کی تجویز دی گئی تھی۔
اگر وفاقی وزارتِ خزانہ کی جانب سے پیٹرولیم مصنوعات کی قیمتوں میں اضافے کی تجویز پر منظوری دے دی جاتی تو  پیٹرول کی نئی قیمت قیمت 96 روپے7 پیسے، ڈیزل 111 روپے 26 پیسے فی لیٹر ، مٹی کے تیل کی قیمت 88 روپے10 پیسے فی لیٹر تک پہنچ جاتی۔
اوگرا کا کہنا ہے کہ پیٹرولیم مصنوعات کی قیمتوں میں اضافہ عالمی منڈی میں خام تیل کی قیمت بڑھ جانے کےباعث ہوا جبکہ عوام کا کہنا ہے کہ عید پر حکومت نے خوب تحفہ دیا ہے، مہنگائی بے حد بڑھ جائے گی۔

اس خبرکوبھی پڑھیں:  ماحولیاتی آلودگی کیخلاف 100 ارب ڈالر کا فنڈ قائم

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
The post پیٹرولیم مصنوعات کی قیمتوں میں اضافہ نہیں ہوگا، وفاقی وزیر خزانہ کا اعلان appeared first on ARYNews.tv | Urdu – Har Lamha Bakhabar.