43

پاکستان کو ’ناکام ریاست‘ کہنے پر عروہ نے بھارتی اداکارہ کو آڑے ہاتھوں لے لیا

کراچی: پاکستانی اداکارہ و ماڈل عروہ حسین نے بھارتی اداکارہ سوارا بھاسکر کو پاکستان کو ’ناکام ریاست‘کہنے اور پاکستان کے خلاف دوغلی پالیسی اپنانے پر آڑے ہاتھوں لیتے ہوئے خوب کھری کھری سنادیں۔
حال ہی میں ریلیز ہوئی اداکارہ کرینہ کپور خان اور سونم کپور کی فلم ’ویرے دی ویڈنگ‘ میں اہم کردار نبھانے والی اداکارہ سوارا بھاسکر بھی دیگر بھارتی اداکاروں کی طرح پاکستان کے خلاف زہر اگلنے سے باز نہ آئیں ۔ فلم ’ویرے دی ویڈنگ‘ میں بولڈ مکالمے اور غیر اخلاقی سین ہونے کی وجہ سے فلم پر پاکستان میں پابندی عائد کردی گئی ہے تاہم یہ پابندی فلم میں اہم کردار اداکرنے والی اداکارہ سوارا بھاسکر کو ایک آنکھ نہ بھائی اور انہوں نے پاکستان کے خلاف ہرزہ سرائی شروع کردی۔
ایک شو کے دوران جب فلم پر پاکستان میں پابندی کے حوالے سے ان کی رائے مانگی گئی تو انہوں نے دیگر معتصب بھارتیوں کی طرح پاکستان کو ’ ناکام ریاست‘ قرار دیتے ہوئے کہا ہم پاکستان کو اتنی اہمیت کیوں دیں، ایک ناکام ریاست جہاں تمام بر ی چیزیں ہوتی ہیں۔

Need I say more ?! @ReallySwara pic.twitter.com/KvJm2swdCL
— URWA HOCANE (@VJURWA) June 2, 2018

تاہم پاکستانی ماڈل و اداکارہ عروہ حسین سے پاکستان کی مخالفت برداشت نہ ہوئی اور انہوں نے سوارا بھاسکر کو آئینہ کو دکھاتے ہوئے کہا کہ’’ 2015 میں آپ نے ہی پاکستان کو دنیا کا بہتر ملک قرار دیتے ہوئے کہا تھا کہ میں آج تک جہاں جہاں گئی پاکستان ان میں سب سے بہتر ہے، یہاں کے لوگ بہتر ین مہمان نواز اور بڑے دل والے ہوتے ہیں۔‘‘

اس خبرکوبھی پڑھیں:  پوری دنیا میں پاکستانی خواتین سے زیادہ کوئی خوبصورت نہیں: ہمایوں سعید - BBC Urdu

Pakistan is the country that you @ReallySwara referred to,in 2015, as the “Best country you have ever visited” and it has only gotten better in the last few years in every aspect along with when it comes to having bigger hearts and welcoming our guests . 1/3
— URWA HOCANE (@VJURWA) June 2, 2018

اس کے ساتھ ہی عروہ نے سوارا کو بھارت کا اصلی چہرہ یاد دلاتے ہوئے کہا ’’آپ اُس ملک سے تعلق رکھتی ہیں جس نے اپنی ہی فلم ’پدماوت‘ پر پابندی عائد کردی تھی، آپ عورتوں کے حقوق کی بات کرتی ہیں ، آج کے بعد عورتوں کے حقوق کی بات مت کریئے گا۔‘‘

2/3 While you’re on this spree of empowering women,i must say you’ve become a bitter person. And all of this is odd coming from a citizen of a state that bans their own films i.e. #Padmavat so let’s not talk about women empowerment.
— URWA HOCANE (@VJURWA) June 2, 2018

عروہ حسین نے مزید کہا کہ ’’پاکستان ناکام ریاست نہیں ہے لیکن آپ لازماً ایک کمزور اور ناکام انسان ہیں۔‘‘

3/3 This only reflects on u as an ignorant person who is also quiet contradictory in her own statements. It’s not a failing state for sure but u come across as a “Failing Human Being” !!! @ReallySwara
From the citizen of the Phenomenal Pakistan
— URWA HOCANE (@VJURWA) June 2, 2018

واضح رہے کہ دوروز قبل ریلیز ہونے والی فلم’ویرے دی ویڈنگ‘ پر غیر اخلاقی مواد اور بولڈ مکالموں کے باعث پاکستان میں پابندی عائد کردی گئی ہے۔ فلم میں اداکارہ کرینہ کپور خان، سونم کپور، سوارابھاسکر، شیکھا تلسانیا اور سومیت ویاس نے مرکزی کردار ادا کیا ہے۔
The post پاکستان کو ’ناکام ریاست‘ کہنے پر عروہ نے بھارتی اداکارہ کو آڑے ہاتھوں لے لیا appeared first on ایکسپریس اردو.