33

نیلم جہلم پاور پروجیکٹ کے تحت بجلی کی فراہمی کا آغاز ہوگیا

لاہور: نیلم جہلم پاور پروجیکٹ کے تحت آزمائشی بنیاد پر بجلی کی فراہمی کا آغاز کر دیا گیا ہے جس میں منصوبے کے پہلے یونٹ سے نیشل گرڈ کو 60 میگاواٹ بجلی فراہم کی جائے گی۔
تفصیلات کے مطابق ملک میں بڑھتی ہوئی لوڈ شیڈنگ اور بجلی کے شارٹ فل سے پیدا ہونے والے بحران سے نمٹنے کے لیے نیلم جہلم پاور پروجیکٹ کی بنیاد رکھی گئی جس سے اب بجلی کی فراہمی شروع ہوچکی ہے۔
انتطامیہ کے مطابق منصوبے کا پہلا یونٹ 2 روز میں پوری صلاحیت کے مطابق بجلی پیدا کرے گا اور نیلم جہلم ہائیڈرو پاور پراجیکٹ کے 4 پیداواری یونٹ ہیں جس میں ہر یونٹ کی پیداواری صلاحیت 242 میگاواٹ ہے۔
کراچی کے مختلف علاقوں میں 10گھنٹے کی بدترین لوڈشیڈنگ، عوام مشکلات کاشکار
منصوبے کے عہدیداران کا کہنا ہے کہ منصوبے کی مجموعی پیداواری صلاحیت 969 میگاواٹ ہے دوسری جانب دیگر 3 یونٹس ایک ایک مہینے کے وقفے سے بجلی کی پیداوار شروع کریں گے، جبکہ نیلم جہلم ہائیڈرو پاور پراجیکٹ کا باقاعدہ افتتاح 13 اپریل کو کیا جائے گا۔
خیال رہے کہ ملک کے مختلف شہروں میں غیر اعلانیہ لوڈشیڈنگ کا سلسلہ جاری ہے جس سے شہریوں کو شدید مشکلات کا سامنا ہے، جلی کے شارٹ فال اور  پیداوار میں کمی کے باعث شہری بھی سراپا احتجاج ہیں۔
لوڈشیڈنگ کی معلومات کے لیے موبائل ایپ متعارف
دوسری جانب بجلی صارفین کا کہنا ہے کہ ملک میں آٹھ سے نو گھنٹے غیر اعلانیہ لوڈ شیڈنگ ہوتی ہے، بجلی نہ ہونے کے باوجود گھروں میں اضافی بل بھیجے جاتے ہیں، جس سے غریب عوام کو دشواریوں کا سامنا ہے۔

اس خبرکوبھی پڑھیں:  ملک پر قرضوں کے بوجھ میں بے تحاشہ اضافہ

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
The post نیلم جہلم پاور پروجیکٹ کے تحت بجلی کی فراہمی کا آغاز ہوگیا appeared first on ARYNews.tv | Urdu – Har Lamha Bakhabar.