43

نواز شریف کی مقبولیت نے زرداری اور عمران کو ملایا، خواجہ آصف

 اسلام آباد:  وزیر خارجہ خواجہ آصف نے کہا ہے کہ نواز شریف کی مقبولیت نے آصف زرداری اور عمران خان کو ملایا۔

خواجہ آصف نے ایکسپریس نیوزکے پروگرام ’’کل تک‘‘ میں میزبان جاوید چوہدری سے گفتگو میں کہا کہ ستر برسوں میں جن جن کے راستے روکے گئے، اللہ نے ان کیلیے دوسرے راستے کھولے۔ ہم عوام میں جاتے رہیں گے، حالات بدل جائیں گے،جسے باربارآزمایاجارہا ہے اور بار بار فیل ہورہاہے۔

وزیر خارجہ نے کہا کہ انتخابات دورنہیں،عدلیہ ،فوج، میڈیاسب کی آئینی ذمہ داری ہے کہ وہ انتخابی عمل میں ووٹ کوعزت دیں، ووٹرکی رائے کاپورا وزن تُلنا چاہیے۔ انھوں نے کہا کہ نوازشریف کی مقبولیت نے عمران ،زرداری کوملنے پر مجبور کیا،عمران نے اپنے آپ کونقصان پہنچایا، زرداری کو کیا کامیابی ملی؟۔

ایک سوال پر خواجہ آصف کا کہنا تھا کہ نوازشریف کوجیل ہوئی توان کے بغیر2018ء کے انتخابات میں جائیں گے۔ بیانیہ نوازشریف کاہی رہے گا جو ووٹ کوعزت دو ہے۔ نوازشریف اور شہباز شریف کے مزاج اورسوچ میں فرق ہوسکتاہے مگر مقصد ایک ہے۔

وزیر خارجہ کا کہنا تھا کہ امریکا میں تاجر، سول سرونٹس، صحافی، جنرل، ایئرمارشلز بھی سفیرتعینات ہوئے، کارپوریٹ کلچرکانمائندہ کیوں نہیں تعینات ہوسکتا؟ وزیراعظم کے کاروباری شراکت دارہونا نااہلیت نہیں، سفیر لگانا فوج یاعدلیہ کانہیں انتظامیہ کا استحقاق ہے۔

The post نواز شریف کی مقبولیت نے زرداری اور عمران کو ملایا، خواجہ آصف appeared first on ایکسپریس اردو.