37

مقبوضہ کشمیر کے 9 سالہ بچے نے انوکھا قلم ایجاد کرلیا

نئی دہلی: مقبوضہ کشمیر سے تعلق رکھنے والے ایک 9 سالہ بچے نے ایسا قلم ایجاد کیا ہے جو لکھنے والے کو آگاہ کرے گا کہ اس کے لکھے گئے الفاظ کی تعداد کتنی ہے۔
9 سالہ بچے کی یہ ایجاد بھارت میں وزیر اعظم ہاؤس میں منعقدہ انوویشن اینڈ انٹر پرینورشپ فیسٹیول میں پیش کی گئی۔
طالب علم مظفر احمد خان نے جو تیسری جماعت کا طالب علم ہے، بتایا کہ اسے اس اچھوتے قلم کا خیال اس وقت آیا جب امتحان میں اس کے مارکس کم آئے۔

Jammu and Kashmir: Nine-year-old Muzaffar Ahmad Khan from Bandipora’s Gurez has invented a ‘counting pen’, a pen that counts words while writing. The prototype of the pen was displayed at the Festival of Innovation and Entrepreneurship, organized by NIF at the Rashtrapati Bhavan pic.twitter.com/if8fvunuNA
— ANI (@ANI) April 16, 2018

مظفر کا کہنا تھا کہ میں نے جواب کے لیے درکار الفاظ سے کم الفاظ لکھے تھے جس کی وجہ سے میرے مارکس کم آئے۔ ’تب ہی میرے ذہن میں خیال آیا کہ کوئی ایسی شے ہونی چاہیئے جو اس بارے میں مجھے آگاہ کرے‘۔
مظفر نے اس قلم کا خیال بھارت کے محکمہ سائنس و ٹیکنالوجی کے تحت چلنے والے ادارے نیشنل انوویشن فاؤنڈیشن کو پیش کیا جہاں کے ماہرین نے اس کے خیال کو حقیقت میں ڈھالنے میں مدد دی۔
ننھے طالب عالم کے ایجاد کردہ اس پین میں ایک چھوٹا سا ایل سی ڈی مانیٹر نصب ہے جو لکھے گئے الفاظ کی تعداد بتاتا رہتا ہے۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
The post مقبوضہ کشمیر کے 9 سالہ بچے نے انوکھا قلم ایجاد کرلیا appeared first on ARYNews.tv | Urdu – Har Lamha Bakhabar.