41

ماؤں کی کم نیند بچوں کی نشوونما کو متاثر کرتی ہے، تحقیق

لندن: برطانیہ کے طبی ماہرین نے متنبہ کیا ہے کہ ماؤں کی کم یا کچی نیند بچوں پر اثرانداز ہوتی ہے جس کی وجہ سے اُن کی نشو ونما بری طریقے سے متاثر ہوتی ہے۔
تفصیلات کے مطابق برطانوی ماہرین نے حالیہ تحقیقاتی رپورٹ میں انکشاف کیا ہے کہ جو مائیں بے خوابی کا شکار ہوتی ہیں اُن کے بچوں کی نشوونما اور دماغی صحت بری طریقے سے متاثر ہوتی ہے۔
تحقیق کے دوران ماہرین نے کم نیند کی بیماری میں مبتلا ماؤں اور اُن کے بچوں کی صحت کا جائزہ لیا جس میں یہ بات سامنے آئی کہ بچوں کے سونے کا معاملہ خاندانی نظام کے تحت چلتا ہے۔
مزید پڑھیں: صرف آدھے منٹ میں نیند لانے کی تکنیک

ماہرین نے نیند کے دوران الیکٹرو اینسیفیلو گرافی (ای ای جی) کے ذریعے بچوں کی نیند کا جائزہ لینےکے لیے اُن کے دماغوں میں الیکٹرو راڈ نصب کیے جس کے بعد مطالعاتی رپورٹ مرتب کی گئی۔
تحقیقاتی ماہرین نے والدین سے بھی اُن کی اور بچوں میں پیدا ہونے والے نیند کے مسائل کے حوالے سے سوالات کیے، جس سے یہ نتیجہ اخذ کیا گیا کہ جن بچوں کی مائیں بے خوابی یا کچی نیند کا شکار تھیں اُن کے بچے بھی گہری نیند لینے سے قاصر تھے۔
یہ بھی پڑھیں: پرسکون نیند کے لیے 5 غذائیں

حیران کُن طور پر تحقیق میں یہ بات بھی سامنے آئی کہ باپ کی نیند کا تعلق کسی صورت بھی بچے کو اثر انداز نہیں کرتا البتہ وہ بچے جو ماؤں کے پاس زیادہ وقت گزارتے ہیں اُن میں واضح اثرات دیکھے گئے۔

اس خبرکوبھی پڑھیں:  نئی دور بین سے ستاروں کی پیدائش کے بارے میں اہم انکشافات

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
The post ماؤں کی کم نیند بچوں کی نشوونما کو متاثر کرتی ہے، تحقیق appeared first on ARYNews.tv | Urdu – Har Lamha Bakhabar.