38

فلم ’اسٹوڈنٹ آف دی ایئرٹو‘ کیلیے کرن جوہر کا نیا انتخاب

 ممبئی: معروف بالی ووڈ ہدایت کار کرن جوہر نے فلم ’اسٹوڈنٹ آف دی ایئر ٹو ‘ میں دو نئے چہروں کو شامل کرنے کا فیصلہ کیا ہے۔
بالی ووڈ میں ایک وقت ایسا بھی تھا جب روایتی چہروں کو فلموں میں کاسٹ کرنا پہلی ترجیح سمجھا جاتا تھا لیکن اب ہر فلم ساز اور ہدایت کار کی خواہش ہے کہ نئے چہروں کو فلموں میں موقع دیا جائے۔
یہی وجہ ہے کہ فلم پروڈیوسر اور ہدایت کار کرن جوہر نے اپنی فلم میں ورون دھون، سدھارت ملہوترا اور عالیہ بھٹ کی صورت میں نئے چہرے متعارف کرائے جنہوں نے بالی ووڈ میں ڈیبیو کرکے سب کو اپنا گرویدہ بنا لیا اور اب کرن جوہر نے ایک بار پھر فلم ’اسٹودنٹ آف دی ایئر‘ کے دوسرے پارٹ میں دو نئے چہروں کو متعارف کرانے کا فیصلہ کیا ہے۔
یہ خبر بھی پڑھیں: فلم’’اسٹوڈنٹ آف دی ایئرٹو‘‘ میں ٹائیگرشروف کی ہیروئن کون ؟
بھارتی میڈیا رپورٹس کے مطابق کرن جوہر کی پروڈیوسرشپ میں بننے والی فلم ’اسٹوڈنٹ آف دی ایئر‘ کے دوسرے سیکوئل میں ٹائیگر شروف کے مدمقابل نئے چہرے متعارف کرانے کے لیے 800 سے زائد لڑکیوں کا آڈیشن لیا گیا جس میں سے اننیا پانڈے اور تارا سوتاریہ کو لیڈ رول کے لیے منتخب کرلیا گیا۔
رپورٹس کے مطابق فلم اسٹوڈنٹ آف دی ایئر‘ کے دوسرے سیکوئل کے آڈیشن میں پروڈیوسر کرن جوہر اور ہدایت کار پونت ملہوترا کی جانب سے عالیہ بھٹ کے ڈائیلاگ کو اداکاری کے ساتھ ادا کرنے کا کہا گیا جس کے بعد اننیا اور تارا کو پیشہ ورانہ انداز میں ڈائیلاگ بولنے پر کاسٹ کرلیا گیا۔
یہ خبر بھی پڑھیں: ہدایت کار کرن جوہر کا فلم ’’اسٹوڈنٹ آف دی ایئر‘‘ کا سیکوئل بنانے کا اعلان
واضح رہے کہ فلم کے دوسرے سیکوئل میں ٹائیگر شروف کی گرل فرینڈ دشا پٹانی، چنکی پانڈے کی بیٹی اننیا پانڈے، سیف علی خان کی بیٹی سارہ خان ، سری دیوی کی بیٹی جھانوی کپور اور مس ورلڈ 2017ء منوشی چلر کے نام زیر غور تھے جب کہ فلم 23 نومبر کو سنیما گھروں کی زینت بنے گی۔
The post فلم ’اسٹوڈنٹ آف دی ایئرٹو‘ کیلیے کرن جوہر کا نیا انتخاب appeared first on ایکسپریس اردو.