32

عیدالفطر، ریلوے کرائے میں 30 فیصد کمی

لاہور: پاکستان ریلویز نے عیدالفطر کے موقع پر خصوصی ٹرینیں چلانے اور کرائے میں 30 فیصد کمی کا اعلان کردیا۔
تفصیلات کے مطابق ماہ رمضان کے اختتام اور عید الفطر کی آمد کو مدنظر رکھتے ہوئے محکمہ ریلوے نے فیصلہ کیا کہ ملک بھر میں اپنے پیاروں سے ملنے کے لیے جانے والے افراد کو سہولیات فراہم کرنے کے لیے پاکستان ریلویز بھی اقدامات بروئے کار لائے۔
ترجمان کی جانب سے جاری بیان کے مطابق محکمہ ریلوے نے ہر سال کی طرح اس سال بھی مسافروں کو عید پیکج دینے کا فیصلہ کیا جس کے تحت کرائے میں کمی کی جائے گی۔
مزید پڑھیں: عید الفطر: ریلوے کرائے33 فیصد کم، 5 خصوصی ٹرین چلانے کا اعلان

ریلوے ترجمان کے مطابق عید پر کرایوں میں30فیصدکمی ہوگی اور یہ رعایت تمام ٹرینوں کی ہر کلاس میں سفر کرنے والے مسافر کے لیے دی جائے گی جبکہ یہ سہولت عید کے تین روز تک دی جائے گی۔
چیف ایگزیکٹر آفیسر آفتاب اکبر کا کہنا ہے کہ عید الفطر کے موقع پر ملک کے تمام بڑے شہروں سے اضافی ٹرینیں بھی چلائی جائیں گی جبکہ ایڈوانس بکنگ پر مسافروں کو 20 فیصد رعایت بھی دی جائے گی۔
واضح رہے کہ گزشتہ برس وفاقی وزیر ریلوے خواجہ سعد رفیق کی خصوصی ہدایت عید پیکج کے تحت ریلوے کرائے میں 33 فیصد کمی کی گئی تھی جبکہ پانچ خصوصی ٹرینیں بھی چلائی گئی تھیں۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں

اس خبرکوبھی پڑھیں:  ایمنسٹی اسکیم؛ ڈالر کی طلب دگنی، قیمت 117 روپے سے بھی تجاوز

The post عیدالفطر، ریلوے کرائے میں 30 فیصد کمی appeared first on ARYNews.tv | Urdu – Har Lamha Bakhabar.