59

شاہ رخ کی بیٹی کو بالی ووڈ میں پہلا پروجیکٹ مل گیا

 ممبئی: بالی ووڈ کنگ شاہ رخ خان کی بیٹی سہانا خان کو اپنے کیریئر کا پہلا پروجیکٹ مل گیا۔
بالی ووڈ کے کنگ شاہ رخ خان جو اپنی رومانوی اداکاری کی وجہ سے اپنی مثال آپ ہیں تو وہیں اُن کی بیٹی سہانا خان بھی سوشل میڈیا پر کسی اسٹار سے کم نہیں اور وہ اکثر انسٹا گرام پر پوسٹ کی گئیں تصویروں کی وجہ سے خبروں کی زینت بنی رہتی ہیں لیکن اب انھیں اپنے کیریئر کا پہلا پروجیکٹ مل گیا ہے۔
We’re backstage at the #HHOF18 with your favourite stars and some of the nation’s finest super achievers… Stay tuned for LIVE & EXCLUSIVE updates! #HHOF18 #HELLOHallOfFame #StayTuned #LiveAndExclusive @gaurikhan A post shared by HELLO! India (@hellomagindia) on Mar 11, 2018 at 10:52am PDT

بھارتی میڈیا رپورٹس کے مطابق بالی ووڈ کے کنگ شاہ رخ خان کی اہلیہ گوری خان نے حال ہی میں ایک نجی چینل کو دیئے گئے انٹرویو میں اپنی بیٹی سہانا خان کے پہلے پروجیکٹ سے متعلق انکشاف کرتے ہوئے کہا کہ’ سہانا اپنے کیریئر کا پہلا پروجیکٹ ایک میگزین کے ساتھ کر رہی ہیں جس کا نام بتانا اس وقت مناسب نہیں جب کہ یہ سال سہانا کو پہلا پروجیکٹ ملنے کی وجہ سے میرے نزدیک بہت اہمیت کا حامل ہے۔
یہ خبر بھی پڑھیں: شاہ رخ خان کی بیٹی نے بھی آڈیشنز دینے شروع کردیئے
اس سے قبل شاہ رخ خان نے اپنے بچوں کے شوق سے متعلق انٹرویو میں کہا تھا کہ سب سے پہلے تعلیم مکمل کرنا وقت کی ضرورت ہے پھر اُس کے بعد اپنا شوق پورا کریں جب کہ سہانا کو اداکارہ بننے کا بہت شوق ہے اور اُس میں وہ جذبہ بھی ہے، میں خود  بھی اُس کی پرفارمنس سے بہت متاثر ہوں لیکن میں ہمیشہ یہی بات کہتا ہوں کہ کچھ بھی کرنے سے قبل تعلیم بہت ضروری ہے۔
The post شاہ رخ کی بیٹی کو بالی ووڈ میں پہلا پروجیکٹ مل گیا appeared first on ایکسپریس اردو.