18

شاہ رخ خان کا انوکھے انداز میں مداحوں کا شکریہ

 ممبئی: بالی ووڈ کنگ خان کی پانی میں تیرتے ہوئے ویڈیو سوشل میڈیا پر وائرل ہو گئی جس میں وہ اپنے چاہنے والوں کا منفرد انداز میں شکریہ ادا کررہے ہیں۔ 
بالی ووڈ پر ویسے تو سب ہی خانوں کا راج ہے لیکن ان خانوں میں کنگ کا درجہ رکھنے والے شاہ رخ خان اپنی منفرد اداکاری کی وجہ سے اپنی مثال آپ ہیں یہی وجہ ہے کہ وہ نہ صرف بالی ووڈ پر بلکہ دنیا بھر میں موجود مداحوں کے دلوں پر بھی راج کرتے ہیں اور مختلف پوسٹ اور ویڈیوز کے ذریعے مداحوں سے جڑے رہتے ہیں اور اس بار انہوں نے ایک ویڈیو کے ذریعے اپنے چاہنے والوں کا منفرد انداز میں شکریہ ادا کیا۔

This didn’t go as planned…but on a lazy Sunday afternoon, with my limited floatation expertise..this is the best I could do! Judge nahi karna, feel karna…Thx. pic.twitter.com/50miTK7QKK
— Shah Rukh Khan (@iamsrk) February 11, 2018

بھارتی میڈیا رپوٹس کے مطابق بالی ووڈ کنگ شاہ رخ خان نے سماجی رابطے کی ویب سائٹ ٹوئٹر پر مداحوں کی تعداد 3 کروڑ 30 لاکھ ہونے پر اپنے چاہنے والوں کو شکریہ منفرد انداز میں ادا کیا۔ انہوں نے پانی میں ڈوب کر اپنے چاہنے والوں کو ویڈیو پیغام دیا کہ  یہ ویڈیو بنانے کا ارادہ کسی منصوبہ بندی کے تحت نہیں کیا گیا بلکہ اتوار کی ایک دوپہر کو اپنی تیراکی کے کم ترین تجربے سے جو کچھ بہتر کرسکتا تھا وہ کیا، لیکن آپ اسے جج کرنے کے بجائے محسوس کریں۔
واضح رہے کہ شاہ رخ خان کے پانی میں جانے کے دوران بیک گراؤنڈ میں ان کے مشہور دائیلاگز ’پیار دوستی ہے، بڑے بڑے ملکوں میں ایسی چھوٹی چھوٹی باتیں ہوتی ہیں‘ چلائے گئے۔
The post شاہ رخ خان کا انوکھے انداز میں مداحوں کا شکریہ appeared first on ایکسپریس اردو.