52

سونم کپور نے ڈونلڈ ٹرمپ کو بیوقوف قرار دے دیا

 ممبئی: بالی ووڈ کی معروف اداکارہ سونم کپور نے امریکا کے صدر ڈونلڈ ٹرمپ کو بیوقوف قرار دے دیا۔
بھارتی فلم انڈسٹری کے سپر اسٹار انیل کپور کی صاحبزادی عموماًسماجی و معاشرتی خرابیوں  کو اجاگر کرنے اور ملکی ساکھ پر ضرب لگانے یا نقصان پہنچانے والے عوامل پر بلاجھجک اپنے خیالات کا اظہار کرتی رہتی ہیں اور وہ کسی بھی بڑی شخصیت سے مرعوب ہوئے بغیراپنی بات کہنے میں ذرا سا بھی عار محسوس نہیں کرتیں۔
ایسا ہی ایک بار پھر سونم کپور نے دنیاکے طاقتور ترین صدر ڈونلڈ ٹرمپ کو نہ صرف تنقید کا نشانہ بنایا ہے بلکہ بے دھڑک ہوکر انہیں کم عقل بھی قرار دے دیا۔یہ معاملہ اس وقت شروع ہوا جب ایک امریکی مزاحیہ اداکارہ اور ٹاک شو کی میزبان ’ایلن ڈیگینرز‘ نے ٹوئٹر میں لکھا کہ  صدر ٹرمپ نے ہاتھی اور دیگر جانوروں کی امریکا میں شکار کی خاموشی سے اجازت دے دی ہے،اس معاملے پر جتنی ممکن ہو اپنی آواز بلند کرنی چاہیے۔
 

Hunting is illegal in india, one of things the world can learn from us! Trump is an imbecile ! @potus #proudtobeindian #preserveourworld pic.twitter.com/retBm6Y1MZ
— Sonam Kapoor (@sonamakapoor) March 9, 2018

ایلن کی ٹوئٹ پر سونم کپور نے تبصرہ کرتے ہوئے لکھا کہ بھارت میں جانوروں کا شکار غیر قانونی ہے اور دنیا کو اس بارے میں بھارت سے سبق سیکھنا چاہیئے جب کہ ٹرمپ تو بیوقوف ہیں۔
واضح رہے کہ یہ پہلا موقع نہیں ہے کہ جب سونم کپور نے امریکی صدر کو ایسا لقب دیا تھا بلکہ اس سے پہلے بھی وہ ایک معاملے پر ڈونلڈ ٹرمپ کو ’جوکر‘ کہہ چکی ہیں۔

اس خبرکوبھی پڑھیں:  گنیز بک آف ورلڈ ریکارڈ میں جگہ بنانے والے بھارتی فنکار

Okay india isn’t in such a bad way… this person is a joker… at least our leader has a semblance of intelligence. https://t.co/6FXVxKnT7m
— Sonam Kapoor (@sonamakapoor) January 9, 2017

The post سونم کپور نے ڈونلڈ ٹرمپ کو بیوقوف قرار دے دیا appeared first on ایکسپریس اردو.