39

دودھ پینے سے انسانی صحت پر کیا مثبت نتائج مرتب ہوتے ہیں؟

کراچی: دنیا بھر میں ہر سال کی طرح امسال بھی دودھ کا عالمی دن منایا جارہا ہے جس کا مقصد اس مفید مشروب کی اہمیت کو اجاگر کرنا ہے۔
اللہ نے زمین پر موجود تمام مخلوقات کو حضرت انسان کی خدمت کے لیے پیدا فرمایا زمین سے اگنے والی سبزیاں اور پھل ہوں یا جانوروں سے حاصل کردہ گوشت اور انڈے، یہ سب ہماری خوراک کا بنیادی حصہ ہیں تاہم ان بیش بہا نعمتوں میں سب سے منفرد اور سود مند چیز دودھ ہے۔
ہماری خوراک میں شامل غذا میں دودھ وہ واحد مشروب ہے جس میں تمام وٹامن موجود ہیں یہی وجہ ہے کہ دودھ ایک مکمل غذا کا کام دیتا ہے ایک گلاس دودھ جسم کو درکار تمام وٹامن فراہم کردیتا ہے یہ توانائی کے حصول کا سب سے آسان اور ارزاں ذریعہ ہے۔ قرآن کریم میں بھی دودھ کا تذکرہ کیا گیا ہے اور اسے نسل انسانی کے لیے مفید قرار دیا گیا ہے۔
اقوام متحدہ کے ذیلی ادارے فوڈ اینڈ ایگرکلچر آرگنائزیشن کے تحت 2001 سے یکم جون کو دودھ کے عالمی دن کے طور پر منایا جارہا ہے، اس سے قبل یہ دن کئی ممالک میں منایا جاتا رہا ہے۔
دودھ وہ واحد شہہ ہے جسے توانائی کی بنیاد پر عالمی دنیا میں سب سے زیادہ وٹامنز سے بھرپور خوراک تسلیم کیا جاتا ہے، دو سال قبل یہ دن چالیس ممالک میں بیک وقت منایا گیا تھا جس کے تحت مختلف اسکولوں میں پڑھنے والے بچوں کو ڈیری فارمز کا دورہ کرایا گیا تھا۔
آئیے ہم آپ کو بتائیں دودھ پینے کے چند بڑے فوائد
ہڈیاں بھی مضبوط
دودھ میں موجود کیلشیم انسانی ہڈیوں کے لیے اس وقت مزید سود مند ہوجاتا ہے جب دودھ میں شامل وٹامن ڈی کیلشیم کو ہڈیوں کا حصہ بنانے میں کامیاب ہوجاتا ہے جس سے جوڑوں،پسلیوں اور ہڈیوں کے درد میں افاقہ ہوتا ہے۔
جسم کے پٹھوں کی بہتری کا سبب
دودھ میں شامل پروٹین جہاں جسم کے دیگر اعضاء کی غذائی ضرورت کو پورا کرتا ہے وہیں جسم کے پٹھوں کو مضبوط اور مربوط رکھنے میں اپنا بھرپور کردار ادا کرتا ہے۔
دودھ سے ذہنی استعداد اور دماغی طاقت میں اضافہ
انسانی جسم کی کارکردگی اور افعال کا دارومدار اچھی ذہنی صحت پر منحصر ہے، ذہن صحت مند ہے تو جسم کے دیگر اعضاء بھی اپنی کارکردگی بہتر طریقے سے انجام دیتے ہیں،دودھ کی سب سے خاص بات اس میں موجود وہ قدرتی اجزاء ہیں جو ذہنی بالیدگی اور نیورو ٹرانسمیٹر کو قابو میں رکھتے ہیں جس کی وجہ سے دماغ حاضر رہتا ہے اور ذہانت بھی بڑھتی ہے۔
چہرے کی دلکشی اور شادابی کا باعث
دودھ اپنے اجزاء کی افادیت کی وجہ سے ہی مشہور نہیں بلکہ اپنی رنگت کے باعث بھی انفرادیت رکھتا ہے یہی وجہ ہے کہ زمانہ قدیم سے چہرے کی دلکشی میں اضافے اور اِسے پُرکشش بنانے کے لیے دودھ کا استعمال کیا جاتا رہا ہے سائنسی تحقیق سے ثابت ہوا ہے کہ دودھ میں موجود امائنو ایسڈ چہرے کی جلد کو نرم اور شاداب رکھتا ہے۔
چہرے کی خشکی،جھائیوں اور دھبوں سے نجات
دودھ میں موجود لیکٹک ایسڈ جلد کو صاف اور دھول و مٹی کے منفی اثرات سے محفوظ رکھتا ہے،لیکٹک ایسڈ دودھ کی ملائی میں کثیر تعداد میں پایا جاتا ہے اس لیے اطباء تجویز کرتے ہیں کہ دودھ کی ملائی سے چہرے کا مساج کرنے سے چہرے کی خشکی، جھائیاں اور دھبوں کا خاتمہ ہو جاتا ہے۔
دودھ دانتوں کی مضبوطی اور سفید بنانے کا موجب
ہماری روز مرہ کی خوراک میں دودھ کیلشیم کے حصول کا سب بڑا ذریعہ ہے،کیلشیم دانتوں کو مضبوط رکھتا ہے جب کہ دودھ کی گہری سفید رنگت کا اثر بھی دانتوں پر پڑتا ہے اور دودھ کے استعما ل سے دانت سفید اور چمک دار ہوجاتے ہیں۔
ہاضمہ بہترین بنائے
رات سونے سے پہلے ایک گلاس گرم دودھ پینے سے ہاضمہ درست رہتا ہے دودھ میں موجود وٹامن ڈی -2 معدے میں گیس بننے نہیں بننے دیتا اور اس میں موجود فائبر قبض سے بچاتا ہے۔
دودھ پینے کے عادی پُرسکون نیند کے مالک
ماہرین خوراک کا کہنا ہے کہ تحقیق سے یہ بات ثابت ہوئی ہے کہ جو لوگ روازنہ دودھ پیتے ہیں وہ پرسکون اور گہری نیند سوتے ہیں جس کے باعث وہ صبح جلدی اُٹھتے ہیں اور دن پھر چابک و چوبند رہتے ہیں۔

اس خبرکوبھی پڑھیں:  ایک لڑکی جو فلم دیکھ کر سائنس دان بن گئی؟

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
The post دودھ پینے سے انسانی صحت پر کیا مثبت نتائج مرتب ہوتے ہیں؟ appeared first on ARYNews.tv | Urdu – Har Lamha Bakhabar.