19

جسم کی عام تکالیف کی اصل وجہ جانیں

کسی حادثے کے بعد جسم کے کسی حصے میں درد محسوس کرنا عام بات ہے، لیکن کیا آپ جانتے ہیں آپ کے جسم میں درد بعض اوقات آپ کی ذہنی کیفیت کا بھی نتیجہ ہوسکتا ہے۔
ہمارا جسم ہماری دماغی کیفیت کے مطابق ردعمل دیتا ہے۔
جب ہم خوش ہوتے ہیں تو ہمارا جسم بھی پرسکون اور آرام دہ حالت میں ہوتا ہے لیکن جب ہم دماغی طور پر پریشان یا غیر مطمئن ہوتے ہیں تو ہمارا جسم بھی کئی تکالیف کا شکار ہوسکتا ہے۔
مزید پڑھیں: چھوٹی چھوٹی تکالیف کا آسان علاج
ممکن ہے آپ بھی جسم کی مختلف تکالیف میں مبتلا ہوں اور ڈاکٹر کی مہنگی مہنگی دوائیں بھی ان کو ختم نہ کر پا رہی ہوں تو پھر آپ کے لیے جاننا ضروری ہے کہ آپ کی اس جسمانی تکلیف کی اصل وجہ کیا ہے۔

سر درد

سر درد ایک عام تکلیف ہے اور ہر دوسرا شخص اس کی شکایت کرتا نظر آتا ہے۔ یاد رکھیں ذہنی تناؤ، دماغ پر کسی قسم کا دباؤ یا ذہنی تھکن شدید سر درد پیدا کرسکتی ہے۔
اس سے چھٹکارہ پانے کے لیے ضروری ہے کہ مذکورہ مسئلے کی طرف سے اپنا دماغ ہٹا کر دوسری طرف لگایا جائے، کوئی کتاب پڑھی جائے، کسی سرسبز مقام پر چہل قدمی کی جائے، کوئی مزاحیہ فلم دیکھی جائے یا ہلکی موسیقی سنی جائے۔

گردن یا کندھوں میں درد

کسی مسئلے کے بارے تمام وقت سوچتے رہنا اور اسے اپنے اوپر حاوی کرلینا کندھوں اور گردن میں درد کا سبب بنتا ہے۔ ایسے افراد کو اپنے کندھوں کی رگیں کھنچتی ہوئی محسوس ہوتی ہیں۔
اس سے نجات کا آسان طریقہ یہ ہے کہ چھوٹی چھوٹی باتوں اور مسئلوں کو درگزر کیا جائے اور مثبت پہلوؤں کی طرف نظر رکھی جائے۔

اس خبرکوبھی پڑھیں:  ڈی این اے فنگر پرنٹنگ کیا ہے؟

کندھوں کا بھاری پن

کسی مسئلے کو اکیلے سلجھانے کی کوشش کرنا اور اسے کسی سے شیئر نہ کرنا بعض دفعہ کندھوں کے بھاری پن کا سبب بن سکتا ہے۔
آپ کو سمجھنے کی ضرورت ہے کہ ہر مسئلہ آپ اکیلے حل نہیں کر سکتے اور کسی مشکل وقت میں کسی سے مدد لینے میں کوئی حرج نہیں ہے۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
The post جسم کی عام تکالیف کی اصل وجہ جانیں appeared first on ARYNews.tv | Urdu – Har Lamha Bakhabar.