53

بھارت کی مظلوم بیٹیوں کے لیے ملالہ روشن چراغ

برنالہ: بھارت میں بیٹیوں کے تحفظ اور اُن کی تعلیم کے لیے چلنے والی مہم میں پاکستانی کی بیٹی ملالہ یوسف زئی روشن چراغ کی مانند ثابت ہورہی ہیں، عوامی شعور بیدار کرنے کے لیے مقامی حکومت نے اُن کی پیٹنگ بنا ڈالی۔
تفصیلات کے مطابق دنیا بھر میں پاکستان کا نام روشن کرنے والی ملالہ یوسف زئی کا شمار اُن لڑکیوں میں ہوتا ہے جو کم عمری کے باوجود خواتین کے حقوق اور لڑکیوں کی تعلیم کے لیے دنیا بھر میں آواز بلند کررہی ہیں۔
حال ہی میں ورلڈ اکنامک فارم میں ملالہ یوسف زئی نے شرکت کی اور خواتین کے حقوق پر بات کرتے ہوئے کہا تھا کہ ’ہمیں اپنے معاشرے کو صنفی امتیاز سے صاف کرنا ہوگا، خواتین کو کسی سے پوچھنے کی ضرورت نہیں کہ وہ کیا پہنے یا اُن پر کس چیز کے پہننے پر پابندی ہے‘۔
مزید پڑھیں: خواتین کو کسی کا مشورہ سننے کی ضرورت نہیں کہ وہ کیا پہنیں: ملالہ یوسفزئی

امریکا سمیت دنیا کے بڑے ممالک ملالہ کی قربانیوں اور اُس کی خدمات کا اعتراف کرتے ہیں یہی وجہ ہے کہ کنیڈا کی حکومت نے پاکستان کی بیٹی کو اعزازی شہریت سے نوازا۔
ملالہ کا پیغام تیزی کے ساتھ دنیا بھر میں پھیل رہا ہے، پڑوسی ملک بھارت میں بیٹیوں کے حقوق کے لیے چلائی جانے والی مہم میں پاکستانی کی باہمت بیٹی کو رول ماڈل بنا کر پیش کیا جارہا ہے۔
تصویر بشکریہ بی بی سی
بھارتی ریاست پنجاب کے ضلعے برنالہ میں حکومتی سطح پر چلائی جانے والی ’بیٹی بچاؤ، بیٹی پڑھاؤ‘ مہم کے سلسلے میں مختلف نامور شخصیات سمیت ملالہ یوسف زئی کو بھی شامل کیا گیا ہے۔
مصور کا کہنا ہے کہ جب انہیں حکومت کی جانب سے اس مہم کے بارے میں آگاہ کیا گیا تو انہوں نے لتا منگیشکر، امریتا پریتم، کلپنا چاؤلہ، پی ٹی اوشا اور میری کوم کے ساتھ ملالہ کی تصویر بھی شیئر کی تاکہ لوگ ان روشن خیالات اور جدوجہد کرنے والی شخصیات سے کچھ سیکھ سکیں۔
یہ بھی پڑھیں: اسپین میں ملالہ یوسف زئی کے نام سے پارک منسوب
سڑک پر موجود دیوار پر بنائی جانے والی تصویر لتا منگیشکر کی ہے جنہوں نے شوبز انڈسٹری کی خدمات کے عوض ایوارڈ وصول کیے، دوسری امریتا پریتم ہیں جو سیکٹروں کتابوں کی مصنفہ، تیسری انڈین نژاد امریکی خاتون خلاف باز کلپنا چاؤلہ کی، چوتھی ایتھلیٹ پی ٹی اوشا کی جنہوں نے کھیل کے میدان میں اپنی صلاحیتوں کا لوہا منوایا۔
تصویر بشکریہ بی بی سی
پانچویں تصویر دنیا کی پہلی خاتون باکسر کی ہے جنہوں نے بین الاقوامی سطح پر 6 چیمپئن شپ کھیلیں اور سونے کے تمغے بھی جیتے علاوہ ازیں چھٹی تصویر ملالہ یوسف زئی کی ہے جو دنیا کے لیے ابھرتا ہوا امیدا کا ستارہ ہے۔

اس خبرکوبھی پڑھیں:  پارلیمنٹ میں خواتین کی نمائندگی: پاکستان افریقی ممالک سے بھی بدتر پوزیشن پر

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
20Comments comments

یہ بھی پڑھیں

اے آر وائی نیوز انگلش