18

آج کھانے میں مزیدار بہاری پلاؤ تیار کریں

آج ہم دوپہر کے کھانے میں آپ کو مزیدار بہاری پلاؤ بنانے کی ترکیب بتا رہے ہیں۔

چکن: 1 کلو
ادرک لہسن پیسٹ: 2 کھانے کے چمچ
پسی ہری مرچیں: 20 عدد
پیاز (پسی ہوئی): 2 عدد
خشخاش: 1 کھانے کا چمچ
دہی: 1 کپ
کٹی کالی مرچ: 1 چائے کا چمچ
ہری الائچی: 4 عدد
دار چینی: 1 ٹکڑا
لونگ: 6 عدد
تیز پات: 1 عدد
زیرہ: 1 چائے کا چمچ
چاول: آدھا کلو
تیل؛ حسب ضرورت
نمک: حسب ذائقہ

چکن کو ادرک لہسن پیسٹ، پسی ہری مرچ، پیاز، خشخاش اور دہی کے ساتھ ایک گھنٹہ میری نیٹ کریں۔
تیل گرم کر کے اس میں پیاز، کٹی کالی مرچ، ہری الائچی، لونگ، تیز پات، اور زیرہ ڈال کر 5 سے 7 منٹ پکائیں کہ پیاز کا کچا پن ختم ہو جائے۔
پھر میری نیٹ چکن ڈال کر 2 سے 3 منٹ پکا کر ڈھک دیں اور 20 منٹ کے لیے پکائیں کہ چکن گل جائے اور تیل اوپر آجائے۔
اب 2 کپ پانی ڈالیں، جب ابال آنے لگے تو چاول ڈال دیں۔
اسے پکنے دیں یہاں تک کہ پانی خشک ہو جائے اور چاول تین چوتھائی پک جائیں۔
ہلکی آنچ پر دس منٹ دم دیں۔
مزیدار بہاری پلاؤ تیار ہے۔ رائتہ کے ساتھ پیش کریں۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
20Comments comments

یہ بھی پڑھیں

اے آر وائی نیوز انگلش